Sītā Upaniṣad (सीतोपनिषत्)

The Primordial Nature, Cosmic Powers, and Vedic Revelation of Goddess Sītā

Atharvaveda


Invocation & Peace Chant

Sanskrit

इच्छाज्ञानक्रियाशक्तित्रयं यद्भावसाधनम् ।
तद्ब्रह्मसत्तासामान्यं सीतातत्त्वमुपास्महे ॥

icchājñānakriyāśaktitrayaṃ yadbhāvasādhanam |
tadbrahmasattāsāmānyaṃ sītātattvamupāsmahe ||

Translation

We contemplate the essential reality of Goddess Sītā (Sītā-tattva), who is the universal ground of Brahman, and whose divine manifestation is mediated by the threefold powers of Will (Icchā), Knowledge (Jñāna), and Action (Kriyā).

ॐ भद्रं कर्णेभिः शृणुयाम देवाः ।
भद्रं पश्येमाक्षभिर्यजत्राः ।
स्थिरैरङ्गैस्तुष्टुवाꣳसस्तनूभिः ।
व्यशेम देवहितं यदायुः ।
स्वस्ति न इन्द्रो वृद्धश्रवाः । स्वस्ति नः पूषा विश्ववेदाः ।
स्वस्ति नस्तार्क्ष्यो अरिष्टनेमिः । स्वस्ति नो बृहस्पतिर्दधातु ॥
ॐ शान्तिः शान्तिः शान्तिः ॥

1. The Inquiry of the Devas: Sītā as Mūlaprakṛti & Praṇava

Sanskrit

देवा ह वै प्रजापतिमब्रुवन् —
का सीता किं रूपमिति ।

devā ha vai prajāpatimabruvan —
kā sītā kiṃ rūpamiti |

Translation

The gods approached Prajāpati and asked: “Who is Sītā? What is Her nature and form?”

Sanskrit

स होवाच प्रजापतिः —
सा सीतेति ।
मूलप्रकृतिरूपत्वात्सा सीता प्रकृतिः स्मृता ।
प्रणवप्रकृतिरूपत्वात्सा सीता प्रकृतिरुच्यते ॥

sa hovāca prajāpatiḥ —
sā sīteti |
mūlaprakṛtirūpatvātsā sītā prakṛtiḥ smṛtā |
praṇavaprakṛtirūpatvātsā sītā prakṛtirucyate ||

Translation

Prajāpati replied: “She is Sītā. Because She is Primordial Nature (Mūlaprakṛti), Sītā is revered as Prakṛti. And because She is the matrix of the sacred Praṇava (OM), Sītā is declared to be Prakṛti.”


2. The Esoteric Composition of the Name S-Ī-TĀ

Sanskrit

सीता इति त्रिवर्णात्मा साक्षान्मायामयी भवेत् ।
विष्णुः प्रपञ्चबीजं च माया ईकार उच्यते ॥

sītā iti trivarṇātmā sākṣānmāyāmayī bhavet |
viṣṇuḥ prapañcabījaṃ ca māyā īkāra ucyate ||

Translation

The sacred name Sītā consists of three phonemes (Sa, Ī, Ta) and is the direct embodiment of Mahāmāyā. The vowel Ī is declared to be Lord Viṣṇu, the cosmic seed, and Māyā.

Sanskrit

सकारः सत्यममृतं प्राप्तिः सोमश्च कीर्त्यते ।
तकारस्तारलक्ष्म्या च वैराजः प्रस्तरः स्मृतः ॥

sakāraḥ satyamamṛtaṃ prāptiḥ somaśca kīrtyate |
takārastāralakṣmyā ca vairājaḥ prastaraḥ smṛtaḥ ||

Translation

The letter Sa is celebrated as Truth (satya), Immortality (amṛta), Divine Attainment (prāpti), and the Moon (soma). The letter Ta is known as the saving light of liberation (tāra-lakṣmī) and the vast expanse of the cosmic Virāj.

Manifestation as the Vowel Ī

Sanskrit

ईकाररूपिणी
सोमामृतावयवदिव्यालङ्कारस्रङ्मौक्तिकाद्याभरणलङ्कृता
महामायाऽव्यक्तरूपिणी व्यक्ता भवति ॥

īkārarūpiṇī
somāmṛtāvayavadivyālaṅkārasraṅmauktikādyābharaṇalaṅkṛtā
mahāmāyā’vyaktarūpiṇī vyaktā bhavati ||

Translation

Embodied as the sacred vowel Ī, adorned with limbs of lunar nectar and celestial ornaments of pearls and divine garlands, the unmanifest Great Goddess (Mahāmāyā) becomes fully manifest to the cosmos.


3. The Three Manifestations of Sītā

Sanskrit

प्रथमा शब्दब्रह्ममयी
स्वाध्यायकाले प्रसन्ना उद्भावनकरी सात्मिका ।

prathamā śabdabrahmamayī
svādhyāyakāle prasannā udbhāvanakarī sātmikā |

Translation

The first manifestation is composed of the Primordial Word (Śabda-Brahman), gracious, illuminating, and essential during the study of sacred scriptures (svādhyāya).

Sanskrit

द्वितीया भूतले हलाग्रे समुत्पन्ना ।

dvitīyā bhūtale halāgre samutpannā |

Translation

The second manifestation arose upon the earth at the furrow’s tip beneath the plough of King Janaka.

Sanskrit

तृतीया ईकाररूपिणी
अव्यक्तस्वरूपा भवतीति सीता इत्युदाहरन्ति ॥

tṛtīyā īkārarūpiṇī
avyaktasvarūpā bhavatīti sītā ityudāharanti ||

Translation

The third manifestation embodies the vowel Ī, transcendent and unmanifest in nature. Thus do the wise describe Sītā.


4. Citation from the Śaunaka Saṃhitā

Sanskrit

शौनकीये —
श्रीरामसान्निध्यवशाज्जगदानन्दकारिणी ।
उत्पत्तिस्थितिसंहारकारिणी सर्वदेहिनाम् ॥

śaunakīye —
śrīrāmasānnidhyavaśājjagadānandakāriṇī |
utpattisthitisaṃhārakāriṇī sarvadehinām ||

Translation

In the Śaunaka Saṃhitā:
Through Her immediate presence beside Śrī Rāma, She brings bliss to the entire universe. She is the creatrix, sustainer, and dissolver of all embodied beings.

Sanskrit

सीता भगवती ज्ञेया मूलप्रकृतिसंज्ञिता ।
प्रणवत्वात्प्रकृरिति वदन्ति ब्रह्मवादिन इति ।
अथातो ब्रह्मजिज्ञासेति च ॥

sītā bhagavatī jñeyā mūlaprakṛtisaṃjñitā |
praṇavatvāt prakṛtiriti vadanti brahmavādina iti |
athāto brahmajijñāseti ca ||

Translation

Goddess Sītā is to be known as Primordial Nature (Mūlaprakṛti). Because She is identical with the sacred Praṇava (OM), the knowers of Brahman declare Her to be Prakṛti. And thus begins the inquiry into Brahman.


5. Her Omnipresent Cosmic Body

Sanskrit

सा सर्ववेदमयी
सर्वदेवमयी
सर्वलोकमयी
सर्वकीर्तिमयी
सर्वधर्ममयी
सर्वाधारकार्यकारणमयी
महालक्ष्मीर्देवेशस्य भिन्नाभिन्नरूपा
चेतनाचेतनात्मिका ।

sā sarvavedamayī
sarvadevamayī
sarvalokamayī
sarvakīrtimayī
sarvadharmamayī
sarvādhārakāryakāraṇamayī
mahālakṣmīrdeveśasya bhinnābhinnarūpā
cetanācetanātmikā |

Translation

She is composed of all Vedas, all deities, all worlds, all glory, and all dharma. She is the ground of all causes and effects—Mahālakṣmī, simultaneously distinct and non-distinct from the Supreme Lord (bhinnābhinna-rūpā), the conscious and unconscious soul of all.

Sanskrit

ब्रह्मस्थावरात्मा
तद्गुणकर्मविभागभेदाच्छरीरूपा —
देवर्षिमनुष्यगन्धर्वरूपा
असुरराक्षसभूतप्रेतपिशाचभूतादिभूतशरीरूपा
भूतेन्द्रियमनःप्राणरूपेति च विज्ञायते ॥

brahmasthāvarātmā
tadguṇakarmavibhāgabhedāccharīrarūpā —
devarṣimanuṣyagandharvarūpā
asurarākṣasabhūtapretapiśācabhūtādibhūtaśarīrarūpā
bhūtendriyamanaḥprāṇarūpeti ca vijñāyate ||

Translation

From Brahmā down to immobile matter, She assumes all forms according to the distribution of guṇas and karma:

  • Manifesting as gods, rishis, humans, and gandharvas;
  • As asuras, rākṣasas, bhūtas, pretas, and piśācas;
  • And as the five elements, the senses, the mind, and the vital breaths (prāṇa).

6. The Threefold Powers of Sītā

Sanskrit

सा देवी त्रिविधा भवति शक्त्यासना —
इच्छाशक्तिः क्रियाशक्तिः साक्षाच्छक्तिरिति ।

sā devī trividhā bhavati śaktyāsanā —
icchāśaktiḥ kriyāśaktiḥ sākṣācchaktiriti |

Translation

The Goddess manifests through three divine powers:

  • Power of Will (Icchā-śakti)
  • Power of Action (Kriyā-śakti)
  • Direct Transcendent Power (Sākṣāt-śakti)

Sanskrit

इच्छाशक्तिस्त्रिविधा भवति —
श्रीभूमिनीलात्मिका
भद्ररूपिणी प्रभावरूपिणी
सोमसूर्याग्निरूपा भवति ॥

icchāśaktistrividhā bhavati —
śrībhūminīlātmikā
bhadrarūpiṇī prabhāvarūpiṇī
somasūryāgnirūpā bhavati ||

Translation

The Power of Will (Icchā-śakti) is threefold: embodied as Śrī, Bhū, and Nīlā—benign and majestic, expressing the triple energies of Moon (Soma), Sun (Sūrya), and Fire (Agni).


Icchā-Śakti: The Lunar Aspect (Soma-rūpā) & Flora

Sanskrit

सोमात्मिका ओषधीनां प्रभवति —
कल्पवृक्षपुष्पफललतागुल्मात्मिका औषधभेषजात्मिका
अमृतरूपा देवानां महस्तोमफलप्रदा ।

somātmikā oṣadhīnāṃ prabhavati —
kalpavṛkṣapuṣpaphalalatāgulmātmikā auṣadhabheṣajātmikā
amṛtarūpā devānāṃ mahastomaphalapradā |

Translation

In Her lunar aspect, She is the origin of all plants—the wish-fulfilling tree, flowers, fruits, creepers, shrubs, and medicinal herbs. Embodied as celestial nectar (amṛta), She yields rich fruits for the gods.

Sanskrit

अमृतेन तृप्तिं जनयन्ती देवानाम्
अन्नेन पशूनां तृणेन तत्तज्जीवानाम्
सूर्यादिसकलभुवनप्रकाशिनी दिवा च रात्रिः ॥

amṛtena tṛptiṃ janayantī devānām
annena paśūnāṃ tṛṇena tattajjīvānām
sūryādisakalabhuvanaprakāśinī divā ca rātriḥ ||

Translation

She satisfies the gods with ambrosia, cattle with grass, and living beings with food—illuminating all worlds day and night through the Sun and celestial lights.


The Cosmic Wheel of Time (Kāla-cakra)

Sanskrit

कालकलानिमेषमारभ्य
घटिकाष्टयामदिवस-वार-रात्रिभेदेन
पक्षमासर्त्वयनसंवत्सरभेदेन
मनुष्याणां शतायुःकल्पनया प्रकाशमाना ।

kālakalānimeṣamārabhya
ghaṭikāṣṭayāmadivasa-vāra-rātribhedena
pakṣamāsartvayanasaṃvatsarabhedena
manuṣyāṇāṃ śatāyuḥkalpanayā prakāśamānā |

Translation

She governs all divisions of time, beginning from small moments (kalā) and eye-blinks (nimeṣa), through ghaṭikās, eight-watch days (yāma), days, nights, fortnights, months, seasons, solstices, and years, culminating in the human lifespan of a hundred years.

Sanskrit

चिरक्षिप्रव्यपदेशेन
निमेषमारभ्य परार्धपर्यन्तं
कालचक्रं जगच्चक्रमित्यादिप्रकारेण चक्रवत्परिवर्तमानाः
सर्वस्यैतस्यैव कालस्य विभागविशेषाः प्रकाशरूपाः कालरूपा भवन्ति ॥

cirakṣipravyapadeśena
nimeṣamārabhya parārdhaparyantaṃ
kālacakraṃ jagaccakramityādiprakāreṇa cakravatparivartamānāḥ
sarvasyaitasyaiva kālasya vibhāgaviśeṣāḥ prakāśarūpāḥ kālarūpā bhavanti ||

Translation

Designated as the slow (cira) and the swift (kṣipra), from an instant up to cosmic epochs (parārdha), She revolves like a wheel—turning the Wheel of Time (Kāla-cakra) and the Wheel of the Cosmos (Jagac-cakra). All specific divisions of time are Her luminous, temporal form.


Icchā-Śakti: The Fiery Aspect (Agni-rūpā)

Sanskrit

अग्निरूपा अन्नपानादिप्राणिनां क्षुत्तृष्णात्मिका
देवानां मुखरूपा वनौषधीनां शीतोष्णरूपा
काष्ठेष्वन्तर्बहिश्च नित्यानित्यरूपा भवति ॥

agnirūpā annapānādiprāṇināṃ kṣuttṛṣṇātmikā
devānāṃ mukharūpā vanauṣadhīnāṃ śītoṣṇarūpā
kāṣṭheṣvantarbahiśca nityānityarūpā bhavati ||

Translation

In Her fiery aspect, She dwells in creatures as hunger and thirst; in the sacrifices as the consecrated mouth of the gods; as warmth and cold in forest flora; and as latent and active combustion within wood.


The Triple Forms for Cosmic Protection: Śrī, Bhū, and Nīlā

Sanskrit

श्रीदेवी त्रिविधं रूपं कृत्वा
भगवत्सङ्कल्पानुगुण्येन लोकरक्षणार्थं रूपं धारयति ।
श्रीरिति लक्ष्मीरिति लक्ष्यमाणा भवतीति विज्ञायते ॥

śrīdevī trividhaṃ rūpaṃ kṛtvā
bhagavatsaṅkalpānuguṇyena lokarakṣaṇārthaṃ rūpaṃ dhārayati |
śrīriti lakṣmīriti lakṣyamāṇā bhavatīti vijñāyate ||

Translation

Assumed in threefold form, Goddess Śrī takes Her divine form in accordance with the Lord’s will to protect the universe. She is recognized as Śrī and Lakṣmī, the visible sign of supreme auspiciousness and grace.

Sanskrit

भूदेवी ससागरांभःसप्तद्वीपा वसुन्धरा
भूरादिचतुर्दशभुवनानामाधाराधेया
प्रणवात्मिका भवति ॥

bhūdevī sasāgarāṃbhaḥsaptadvīpā vasundharā
bhūrādicaturdaśabhuvanānāmādhārādheyā
praṇavātmikā bhavati ||

Translation

Bhūdevī is the Earth bearing the oceans and seven continents, supporting the fourteen worlds from Bhūr upwards as both container and contained, vibrating as the sacred syllable Praṇava.

Sanskrit

नीला च मुखविद्युन्मालिनी
सर्वौषधीनां सर्वप्राणिनां पोषणार्थं सर्वरूपा भवति ।
समस्तभुवनस्याधोभागे जलाकारात्मिका
मण्डूकमयेति भुवनाधारेति विज्ञायते ॥

nīlā ca mukhavidyunmālinī
sarvauṣadhīnāṃ sarvaprāṇināṃ poṣaṇārthaṃ sarvarūpā bhavati |
samastabhuvanasyādhobhāge jalākārātmikā
maṇḍūkamayeti bhuvanādhāreti vijñāyate ||

Translation

And Nīlā, adorned with a garland of lightning, assumes all forms to nourish all herbs and living beings. Abiding beneath the entire universe in the form of cosmic waters, She is known as the Great Support of the Worlds (Bhuvanādhārā).


7. Kriyā-Śakti: The Sonic Emanation of the Vedas

Sanskrit

क्रियाशक्तिस्वरूपं हरेर्मुखान्नादः ।
तन्नादाद्बिन्दुः ।
बिन्दोरोङ्कारः ।

kriyāśaktisvarūpaṃ harermukhānnādaḥ |
tannādādbinduḥ |
bindoroṅkāraḥ |

Translation

The nature of Kriyā-śakti begins from the mouth of Lord Hari as Primordial Sound (Nāda). From Nāda arose the Bindu; from the Bindu arose Oṃkāra.

Sanskrit

ओङ्कारात्परतो राम वैखानसपर्वतः ।
तत्पर्वते कर्मज्ञानमयीभिर्बहुशाखा भवन्ति ।
तत्र त्रयीमयं शास्त्रमाद्यं सर्वार्थदर्शनम् ॥

oṅkārātparato rāma vaikhānasaparvataḥ |
tatparvate karmajñānamayībhirbahuśākhā bhavanti |
tatra trayīmayaṃ śāstramādyaṃ sarvārthadarśanam ||

Translation

Beyond Oṃkāra arose Mount Vaikhānasa. Upon that sacred mount branched forth the vast scriptures of action and knowledge—foremost among them the ancient triple scripture (Trayī), revealing all spiritual truth.


The Four Canonical Vedas & Recensions

Sanskrit

ऋग्यजुःसामरूपत्वात्त्रयीति परिकीर्तिता ।
कार्यसिद्धेन चतुर्धा परिकीर्तिता ॥
ऋचो यजूंषि सामानि अथर्वाङ्गिरसस्तथा ।
चातुर्होत्रप्रधानत्वाल्लिङ्गादित्रितयं त्रयी ॥

ṛgyajuḥsāmarūpatvāt trayīti parikīrtitā |
kāryasiddhena caturdhā parikīrtitā ||
ṛco yajūṃṣi sāmāni atharvāṅgirasastathā |
cāturhotrapradhānatvāt liṅgāditritayaṃ trayī ||

Translation

Because it consists of Ṛg, Yajus, and Sāma, it is celebrated as the Trayī (Triad); for accomplishing specific rites, it is fourfold: Ṛc, Yajus, Sāman, and Atharvāṅgiras. Because the four priestly offices (cāturhotra) predominate, the triad of indicators forms the Trayī.

Sanskrit

अथर्वाङ्गिरसं रूपं सामऋग्यजुरात्मकम् ।
तथा दिशन्त्याभिचारसामान्येन पृथक्पृथक् ॥
एकविंशतिशाखायामृग्वेदः परिकीर्तितः ।
शतं च नवशाखासु यजुषामेव जन्मनाम् ॥

atharvāṅgirasaṃ rūpaṃ sāma-ṛg-yajur-ātmakam |
tathā diśantyābhicārasāmānyena pṛthakpṛthak ||
ekaviṃśatiśākhāyām ṛgvedaḥ parikīrtitaḥ |
śataṃ ca navaśākhāsu yajuṣāmeva janmanām ||

Translation

The Atharvāṅgirasa contains the essence of Sāman, Ṛg, and Yajus, directed separately for specific rites. The Ṛgveda is declared to have 21 branches, and the Yajurveda has 109 branches.

Sanskrit

साम्नः सहस्रशाखाः स्युः पञ्चशाखा अथर्वणः ।
वैखानसमतस्तस्मिन्नादौ प्रत्यक्षदर्शनम् ॥
स्मर्यते मुनिभिर्नित्यं वैखानसमतः परम् ।
कल्पो व्याकरणं शिक्षा निरुक्तं ज्योतिषं छन्द एतानि षडङ्गानि ॥

sāmnaḥ sahasraśākhāḥ syuḥ pañcaśākhā atharvaṇaḥ |
vaikhānasamatastasminnādau pratyakṣadarśanam ||
smaryate munibhirnityaṃ vaikhānasamataḥ param |
kalpo vyākaraṇaṃ śikṣā niruktaṃ jyotiṣaṃ chanda etāni ṣaḍaṅgāni ||

Translation

The Sāmaveda has 1,000 branches, and the Atharvaveda has 50 branches. There the direct perception of the Vaikhānasa tradition arose first, remembered constantly by sages. Kalpa, Grammar, Phonetics, Etymology, Astronomy, and Metre—these are the six Vedāṅgas.


The Upāṅgas, Upavedas, and Divine Word

Sanskrit

उपाङ्गमयनं चैव मीमांसान्यायविस्तरः ।
धर्मज्ञसेवितार्थं च वेदवेदोऽधिकं तथा ॥
निबन्धाः सर्वशाखा च समयाचारसङ्गतिः ।
धर्मशास्त्रं महर्षिणामन्तःकरणसम्भृतम् ।
इतिहासपुराणाख्यमुपाङ्गं च प्रकीर्तितम् ॥

upāṅgamayanaṃ caiva mīmāṃsānyāyavistaraḥ |
dharmajñasevitārthaṃ ca vedavedo’dhikaṃ tathā ||
nibandhāḥ sarvaśākhā ca samayācārasaṅgatiḥ |
dharmaśāstraṃ maharṣīṇāmantaḥkaraṇasambhṛtam |
itihāsapurāṇākhyamupāṅgaṃ ca prakīrtitam ||

Translation

The secondary limbs (Upāṅgas) comprise the expositions of Mīmāṃsā and Nyāya, the wisdom cultivated by knowers of dharma, the treatises harmonizing customs and tradition, the Dharmaśāstras conceived in the minds of great seers, and the Itihāsas and Purāṇas.

Sanskrit

वास्तुवेदो धनुर्वेदो गान्धर्वश्च तथा मुने ।
आयुर्वेदश्च पञ्चैते उपवेदाः प्रकीर्तिताः ॥
दण्डो नीतिश्च वार्ता च विद्या वायुजयः परः ।
एकविंशतिभेदोऽयं स्वप्रकाशः प्रकीर्तितः ॥

vāstuvedo dhanurvedo gāndharvaśca tathā mune |
āyurvedaśca pañcaite upavedāḥ prakīrtitāḥ ||
daṇḍo nītiśca vārtā ca vidyā vāyujayaḥ paraḥ |
ekaviṃśatibhedo’yaṃ svaprakāśaḥ prakīrtitaḥ ||

Translation

Vāstuveda, Dhanurveda, Gāndharvaveda, and Āyurveda—these are declared to be the Upavedas, along with governance (daṇḍa), polity (nīti), commerce (vārtā), sacred sciences, and breath-mastery (vāyujaya). This twenty-one-fold division is self-luminous.

Sanskrit

वैखानसऋषेः पूर्वं विष्णोर्वाणी समुद्भवेत् ।
त्रयीरूपेण सङ्कल्प्य वैखानसऋषेः पुरा ।
उदितो यादृशः पूर्वं तादृशं शृणु मेऽखिलम् ।
शश्वद्ब्रह्ममयं रूपं क्रियाशक्तिरुदाहृता ॥

vaikhānasaṛṣeḥ pūrvaṃ viṣṇorvāṇī samudbhavet |
trayīrūpeṇa saṅkalpya vaikhānasaṛṣeḥ purā |
udito yādṛśaḥ pūrvaṃ tādṛśaṃ śṛṇu me’khilam |
śaśvadbrahmamayaṃ rūpaṃ kriyāśaktirudāhṛtā ||

Translation

Formerly, the divine Speech of Viṣṇu arose unto Sage Vaikhānasa. Manifested of old in the form of the triple Veda, hear from me completely as it was revealed: this eternal form composed of pure Brahman is declared to be Goddess Sītā’s Kriyā-śakti.


8. Sākṣāt-Śakti: Direct Transcendent Power

Sanskrit

साक्षाच्छक्तिर्भगवतः स्मरणमात्ररूपाविर्भावप्रादुर्भावात्मिका
निग्रहानुग्रहरूपा
भगवत्सहचारिणी अनपायिनी अनवरतसहाश्रयिणी ।

sākṣācchaktirbhagavataḥ smaraṇamātrarūpāvirbhāvaprādurbhāvātmikā
nigrahānugraharūpā
bhagavatsahacāriṇī anapāyinī anavaratasahāśrayiṇī |

Translation

Sākṣāt-śakti manifests at the mere remembrance of the Supreme Lord. Embodying restraint and grace, She is the Lord’s constant, inseparable companion (anapāyinī), ever abiding together with Him.

Sanskrit

उदितानुदिताकारा
निमेषोन्मेषसृष्टिस्थितिसंहारतिरोधानानुग्रहादिसर्वशक्तिसामर्थ्यात्
साक्षाच्छक्तिरिति गीयते ॥

uditānuditākārā
nimeṣonmeṣasṛṣṭisthitisaṃhāratirodhānānugrahādisarvaśaktisāmarthyāt
sākṣācchaktiriti gīyate ||

Translation

Manifesting both risen and unrisen, She wields the power of all cosmic functions through the opening and closing of Her eyes: creation, preservation, dissolution, concealment, and grace (pañcakṛtya). Hence She is praised as Direct Transcendent Power (Sākṣāt-śakti).


Yoga-Śakti: The Śrīvatsa Mark in Pralaya

Sanskrit

इच्छाशक्तिस्त्रिविधा —
प्रलयावस्थायां विश्रमणार्थं
भगवतो दक्षिणवक्षःस्थले
श्रीवत्साकृतिर्भूत्वा विश्राम्यतीति
सा योगशक्तिः ॥

icchāśaktistrividhā —
pralayāvasthāyāṃ viśramaṇārthaṃ
bhagavato dakṣiṇavakṣaḥsthale
śrīvatsākṛtirbhūtvā viśrāmyatīti
sā yogaśaktiḥ ||

Translation

In the state of cosmic dissolution (pralaya), for the sake of divine rest, She assumes the golden form of the auspicious Śrīvatsa mark upon the right breast of the Lord. That is Yoga-śakti.


Bhoga-Śakti: Divine Enjoyment & Worship

Sanskrit

भोगशक्तिर्भोगरूपा —
कल्पवृक्ष-कामधेनु-चिन्तामणि-
शङ्खपद्मनिध्यादि-नवनिधि-समाश्रिता ।

bhogaśaktirbhogarūpā —
kalpavṛkṣa-kāmadhenu-cintāmaṇi-
śaṅkhapadmanidhyādi-navanidhi-samāśritā |

Translation

Bhoga-śakti is the power of divine enjoyment, abiding in the wish-fulfilling tree (Kalpavṛkṣa), the cow of abundance (Kāmadhenu), the wish-granting gem (Cintāmaṇi), and the nine divine treasures headed by Śaṅkha and Padma (Nava-nidhi).

Sanskrit

भगवदुपासकानां कामनया अकामनया वा भक्तियुक्ता नरं
नित्यनैमित्तिककर्मभिरग्निहोत्रादिभिर्वा
यम-नियम-आसन-प्राणायाम-
प्रत्याहार-ध्यान-धारणा-समाधिभिर्वा ।

bhagavadupāsakānāṃ kāmanayā akāmanayā vā bhaktiyuktā naraṃ
nityanaimittikakarmabhiragnihotrādibhirvā
yama-niyama-āsana-prāṇāyāma-
pratyāhāra-dhyāna-dhāraṇā-samādhibhirvā |

Translation

She inspires the devotees of the Lord, with desire or desireless, endowed with devotion: whether through daily and occasional rites such as the Agnihotra, or through the eight limbs of Yoga—yama, niyama, āsana, prāṇāyāma, pratyāhāra, dhyāna, dhāraṇā, and samādhi.

Sanskrit

गोपुरप्राकारादिभिर्विमानादिभिः सह
भगवद्विग्रहार्चापूजोपकरणैरर्चनैः स्नानादिभिर्वा
पितृपूजादिभिरन्नपानादिभिर्वा
भगवत्प्रीत्यर्थमुक्त्वा सर्वं क्रियते ॥

gopuraprākārādibhirvimānādibhiḥ saha
bhagavadvigrahārcāpūjopakaraṇairarcanaiḥ snānādibhirvā
pitṛpūjādibhirannapānādibhirvā
bhagavatprītyarthamuktvā sarvaṃ kriyate ||

Translation

Through the erection of temple spires (gopura), enclosures, and towers, through the sacred image, instruments of worship, ritual baths, and offerings of food and drink—all is performed with the dedication: “For the pleasure of the Lord.”


Vīra-Śakti (Vīralakṣmī): The Sovereign Goddess

Sanskrit

अथातो वीरशक्तिश्चतुर्भुजाऽभयवरदपद्मधरा
किरीटाभरणयुता
सर्वदेवैः परिवृता
कल्पतरुमूले
चतुर्भिर्गजै रत्नघटैरमृतजलैरभिषिच्यमाना ।

athāto vīraśaktiścaturbhujā’bhayavaradapadmadharā
kirīṭābharaṇayutā
sarvadevaiḥ parivṛtā
kalpatarumūle
caturbhirgajai ratnaghaṭairamṛtajalairabhiṣicyamānā |

Translation

Now begins Vīra-śakti: four-armed, holding two lotuses and granting fearlessness (abhaya) and boons (varada), adorned with a diadem and jewels, surrounded by all the gods. Seated beneath the wish-fulfilling tree, She is consecrated by four divine elephants pouring nectarean waters from bejewelled vessels (amṛta-ghaṭa).

Sanskrit

सर्वदैवतैर्ब्रह्मादिभिर्वन्द्यमाना
अणिमाद्यष्टैश्वर्ययुता
संमुखे कामधेनुना स्तूयमाना
वेदशास्त्रादिभिः स्तूयमाना
जयाद्यप्सरस्त्रीभिः परिचर्यमाणा
आदित्यसोमाभ्यां दीपाभ्यां प्रकाश्यमाना
तुम्बुरुनारदादिभिर्गायमाना ।

sarvadaivatairbrahmādibhirvandyamānā
aṇimādyaṣṭaiśvaryayutā
saṃmukhe kāmadhenunā stūyamānā
vedaśāstrādibhiḥ stūyamānā
jayādyapsarastrībhiḥ paricaryamāṇā
ādityasomābhyāṃ dīpābhyāṃ prakāśyamānā
tumburunāradādibhirgāyamānā |

Translation

Revered by Brahmā and all deities, endowed with the eight yogic powers (aṇimā, etc.), She is praised before Her throne by Kāmadhenu and the sacred Vedas; attended by celestial maidens headed by Jayā; illuminated by the Sun and Moon as twin lamps; and sung to by divine bards Tumburu and Nārada.

Sanskrit

राकासिनीवालीभ्यां छत्रेण
ह्लादिनीमायाभ्यां चामरेण
स्वाहास्वधाभ्यां व्यजनेन
भृगुमुख्यादिभिरभ्यर्च्यमाना
देवी दिव्यसिंहासने पद्मासनरूढा
सकलकारणकार्यकरी
लक्ष्मीर्देवस्य पृथग्भवनकल्पना ।
अलंचकार स्थिरा प्रसन्नलोचना
सर्वदेवतैः पूज्यमाना वीरलक्ष्मीरिति विज्ञायत
इत्युपनिषत् ॥

rākāsinīvālībhyāṃ chatreṇa
hlādinīmāyābhyāṃ cāmareṇa
svāhāsvadhābhyāṃ vyajanena
bhṛgumukhyādibhirabhyarcyamānā
devī divyasiṃhāsane padmāsanarūḍhā
sakalakāraṇakāryakarī
lakṣmīrdevasya pṛthagbhavanakalpanā |
alaṃcakāra sthirā prasannalocanā
sarvadaivataiḥ pūjyamānā vīralakṣmīriti vijñāyata
ityupaniṣat ||

Translation

Shaded with the royal canopy by Rākā and Sinīvālī, fanned with chowries by Hlādinī and Māyā, and fanned with fans by Svāhā and Svadhā, She is worshipped by great sages headed by Bhṛgu.

Seated in the lotus posture (padmāsana) upon a celestial throne, the creatrix of all causes and effects, She graces Her own sovereign abode—steadfast, with serene eyes. Worshipped by all deities, She is known as Vīralakṣmī.

Thus ends the Upaniṣad.


Concluding Peace Chant

ॐ भद्रं कर्णेभिः शृणुयाम देवाः ।
भद्रं पश्येमाक्षभिर्यजत्राः ।
स्थिरैरङ्गैस्तुष्टुवाꣳसस्तनूभिः ।
व्यशेम देवहितं यदायुः ।
स्वस्ति न इन्द्रो वृद्धश्रवाः । स्वस्ति नः पूषा विश्ववेदाः ।
स्वस्ति नस्तार्क्ष्यो अरिष्टनेमिः । स्वस्ति नो बृहस्पतिर्दधातु ॥
ॐ शान्तिः शान्तिः शान्तिः ॥

इति सीतोपनिषत्समाप्ता ॥