Sanskrit Sutra
भूयः स्यात् प्रतिमीलनम्॥
Sanskrit Vārttika
पुनश्च प्रोक्तचैतन्यस्वरूपोन्मीलनात्मकम् । परयोगाधिरूढस्य भवेत्परमयोगिनः ॥ १ ॥ भूयः स्यादिति वाक्यस्य स्फुटमेवायमाशयः । यच्छिवत्वममुष्योक्तं नापूर्वं तत्तु योगिनः ॥ २ ॥ स्वभाव एव तन्मायाशक्तिप्रोत्थापितान्निजात् । नायं विकल्पदौरात्म्याद्भासमानमपि स्वतः ॥ ३ ॥ विम्रष्टुं क्षम इत्यस्य प्रोक्तोपायक्रमेण तत् । शिवत्वं व्यक्तिमेतीति शिवेनोदीरितं शिवम् ॥ ४ ॥
IAST Transliteration
punaśca proktacaitanyasvarūponmīlanātmakam | parayogādhirūḍhasya bhavetparamayoginaḥ || 1 || bhūyaḥ syāditi vākyasya sphuṭamevāyamāśayaḥ | yacchivatvamamuṣyoktaṁ nāpūrvaṁ tattu yoginaḥ || 2 || svabhāva eva tanmāyāśaktiprotthāpitānnijāt | nāyaṁ vikalpadaurātmyādbhāsamānamapi svataḥ || 3 || vimraṣṭuṁ kṣama ityasyproktopāyakrameṇa tat | śivatvaṁ vyaktimetīti śivenodīritaṁ śivam || 4 ||
English Translation
And again, an opening/unfolding (unmīlana) consisting of the previously described nature of pure Consciousness occurs for the supreme yogin who has ascended to the highest yoga (1). The clear import of the statement “bhūyaḥ syāt” (“it occurs again”) is this: that Śiva-nature which has been spoken of for this yogin is by no means something unprecedented or newly produced (2). It is his very essential nature (svabhāvaḥ); previously, through the malice of conceptual dualities (vikalpa) raised by His own Māyā-śakti, he was unable to recognize it, even though it was self-luminous. But now, through the sequential course of the methods expounded (upāya-krama), that Śivahood (śivatvam) attains vivid manifestation. Thus auspiciousness (śivam) was declared by Śiva Himself (3–4).
Concluding Colophon of the Śivasūtravārttika
इत्युन्मेषस्तृतीयोऽयमाणवोपायसूचकः ॥ इति श्रीशिवसूत्राणां रहस्यार्थोपबृंहितम् । प्रागुक्तवार्त्तिकांशेन सहितं वार्त्तिकान्तरम् ॥ अखण्डसंवित्साम्राज्ययौवराज्याधिकारिणाम् । पराक्रमहठाक्रान्तषट्त्रिंशत्तत्त्वसम्पदाम् ॥ मधुराजकुमाराणां महाहंताधिरोहिणाम् । पश्चिमेन तदालोकध्वस्तपश्चिमजन्मना ॥ मया वरदराजेन मायामोहापसारकम् । श्रीक्षेमराजनिर्णीतव्याख्यानाध्वानुसारिणा ॥ कृतिना कृष्णदासेन व्यञ्जितं कृपयाञ्जसा । अनुगृह्णन्तु नामैतत्सन्तः संतोषमागताः ॥
ityunmeṣastṛtīyo’yamāṇavopāyasūcakaḥ || iti śrīśivasūtrāṇāṁ rahasyārthopabṛṁhitam | prāguktavārttikāṁśena sahitaṁ vārttikāntaram || akhaṇḍasaṁvitsāmrājyayauvarājyādhikāriṇām | parākramahaṭhākrāntaṣaṭtriṁśattattvasampadām || madhurājakumārāṇāṁ mahāhantādhirohiṇām | paścimena tadālokadhvastapaścimajanmanā || mayā varadarājena māyāmohāpasārakam | śrīkṣemarājanirṇītavyākhyānādhvānusāriṇā || kṛtinā kṛṣṇadāsena vyañjitaṁ kṛpayāñjasā | anugṛhṇantu nāmaitatsantaḥ saṁtoṣamāgatāḥ ||
Translation of the Colophon: “Thus ends the Third Unmeṣa, indicating the Āṇavopāya. Here ends the supplementary Vārttika on the venerable Śiva Sūtras, enriched with their esoteric meaning, joined with the previously declared portions of the Vārttika. By me, Varadarāja (also known as Kṛṣṇadāsa), following the path of the exposition established by the venerable Kṣemarāja, dispelling the delusion of Māyā—the youngest brother of the sons of Madhurāja (who were rightful heirs to the crown-princehood in the empire of unbroken Consciousness, who seized by heroic spiritual might the wealth of all thirty-six tatvas, and ascended to the supreme I-awareness)—by me, whose final rebirth was dissolved by their grace and light, this text was clearly revealed out of compassion. May the noble and wise, attaining contentment, graciously accept this work!”
P.T. Srinivasa Iyengar's translation
Again and again, the state of the Lord is realized.
Section link: Anavopaya

Muni's Play